Софија продолжува со перфидните игри. Наместо да понуди правни факти како одговор на 17-те пресуди од Европскиот суд за човекови права во корист на македонските здруженија во Бугарија, реши политички да напаѓа и квалификува. Софија деновиве испрати допис до Стразбур во врска со својата обврска да одговори на забелешките на Советот на Европа… Во одговорот источниот сосед прибегнува кон политиканство, обвинувајќи ја Македонија за „поткопување на европските вредности“ и за наводна логистичка, финансиска и дипломатска поддршка на овие здруженија.
Во дописот, Софија твди дека македонските здруженија од групата ОМО „Илинден“ не се заинтересирани за регистрација, туку за „политизирање“ на прашањето. Софија оди до таму што твди дека Македонија го крши духот на Европската конвенција за човекови права, прикажувајќи ја како незрела за членство во ЕУ.
Бугарија не застанува тука – во посебно соопштение, бугарската влада го нападна и премиерот Христијан Мицкоски, обвинувајќи го за „недоволно разбирање“ на одлуките на Европскиот суд и за „мешање во внатрешните работи на Бугарија“. Остра реакција стигна од премиерот Мицкоски, кој ја потсети Бугарија дека таа бара промена на Уставот во Македонија – и дека тоа е директно мешање во внатрешните работи на една држава.
