Македонија е меѓу земјите кои во 2024 година бележат најголемо подобрување на економскиот сентимент, според најновите податоци на Европската комисија.
Индексот за економско расположение кој го одредува Генералниот директорат за економски и финансиски прашања, покажува раст над просекот на земјите од Европската унија, што ја позиционира Македонија како пример за позитивен економски тренд во регионот.
Според најновите податоци, Македонија покажува значителен напредок во споредба со другите земји, со раст на индексот за економско расположение од 5.9. Ова ја позиционира земјата на високото место во групата на земји со најголемо подобрување на економскиот сентимент, веднаш зад Данска, Литванија и Португалија. Подобрениот економски сентимент е резултат на стабилизирањето на економските политики, забрзаната реализација на јавните инвестиции и зголемениот извоз.
Македонија, како една од ретките земји од регионот со ваков напредок, покажува дека преку стабилни и добро насочени економски мерки може да се оствари позитивен економски импакт и да се обезбеди долгорочна доверба во институциите и економскиот систем.
