Македонија првпат добива методологија за енергетска сиромаштијa

Македонија првпат воведува методологија за утврдување на енергетска сиромаштија, со цел полесно препознавање на ранливите домаќинства и креирање соодветни мерки за нивна заштита.

Од Министерството за енергетика информираат дека драфт-верзијата е усогласена со европските директиви.

Методологијата ќе даде јасна слика за обемот на енергетската сиромаштија и ќе биде основа за нови политики. Во тек е и подготовка на годишна програма за заштита на ранливите потрошувачи.