Позитивните перформанси на македонската економија се показател дека проектираното ќе биде остварено. Растот на бруто домашниот производ односно продолжувањето на позитивниот тренд од втората половина од минатата година е потврда за политикие кои ги спроведува владата за стабилизација на економијата и старт на активностите кои ќе водат кон забрзување на економската активност. Ваквите бројки се поткрепа дека на среден рок растот ќе достигне ниво од над 4 отсто
Најголем придонес кон остварениот раст има убедливо поради солидното ниво на бруто инвестициите кои се зголемиле за дури 18%, како и одличните перформанси на градежништвото каде се очекува да продолжи позитивниот тренд благодарение на инвестицискиот циклус кој го планира Владата, како и во стручните, научните, техничките и административни дејности.
Владата ќе се стреми кон намалување на увозот, односно поддршка на преработувачката индустрија, пред се за стимул на домашното производство на храна . Заложбата на владата е стабилна инфлација нешто на што се работи во контиунитет .
Во меѓувреме во министерството за финансии се прекројува државната каса, и документот треба да се најде пред пратениците втора половина од јуни. Она што засега го соопшти Кочоска е дека инфлацијата нема да порасне.
Инаку економските резултати ја сместија Македонија на листата на петте земји со најдобар економски раст во Европа. Пред нас се Ирска, Данска, Полска , Литванија … Амбициите за забрзан раст Владата ги темели и на градежната експанзија на цела територија на Македонија со над 1200 локации за градење.
