Почитувани, семејните и личните интереси на обвинителите Коларевиќ и Абази, ги амнестираше осомничените блиски до СДСМ и ДУИ за случајот „Мазут“ вреден 167 милиони евра.
Не беа доволни извештаите на ДЗР, не беа доволни докази од МВР, не беше доволно тоа што се труеше народот, но доволно беше за Коларевиќ и Абази, некој од врхушките на СДСМ и ДУИ, да им соопшти дека треба да се прекине со обвинителската постапка.
Коларевиќ е со семејни врски со кадри избирани од СДСM, на пример, нејзиниот татко бил избран за државен правобранител во 1998 година, а нејзината мајка за уставен судија во 2004 година, додека пак Абази е со познати релации со ДУИ и Али Ахмети, со кој е растен во Зајас и се комшии. Оваа коалиција на Коларевиќ и Абази од обвинителството, ја спаси коалицијата на СДСM и ДУИ во политиката.
Еден од најсериозните и најголеми енергетски скандали во историјата на Македонија, не заврши во судница, туку заврши уште во обвинителство.
Дали има финансиски мотиви со кои Коларевиќ и Абази молчат и дали заради тоа ја запреа постапката? Зошто СДСM не го осуди овој случај и не го повика Васко Ковачевски да се врати во Македонија? Зошто Советот на јавни обвинители молчи и не истражи дали е постапено според сите процедури во овој најголем финансиски случај во енергетиката?
Правда мора да има. Обвинителството не смее да биде засолниште за кадрите на СДСM и ДУИ.
