Министерот за надворешни работи на Русија, Сергеј Лавров, го пофали американскиот претседател Доналд Трамп, истакнувајќи дека сериозно се заложил за мир во Украина, а го искритикува ставот на европските лидери.
Коментирајќи ја средбата на Трамп со Зеленски и со лидерите на Европа, Лавров изјави дека ставот на САД се разликува од оној на Европејците, кои постојано изјавувале дека е потребен само прекин на огнот, но продолжувале да ја снабдуваат Украина со оружје.
Според Лавров, претседателот Трамп и неговиот тим, особено по состанокот во Алјаска, почнале многу подлабоко да навлегуваат во решавањето на оваа криза, разбирајќи дека нејзините корени мора да се елиминираат – нешто што претседателот Путин постојано го повторува.
