Кривична пријава од МВР заработи градоначалникот на Делчево, Горан Трајковски. Се сомничи дека фаворизирал фирма и ја оштетил општината, а случајот се однесува на јавна набавка што ја спровела општина во 2019 година, при што градоначалникот ги пречекорил своите службени овластувања, со што на приватна фирма ѝ овозможил противправна имотна корист.
Станува збор за договор за јавна набавка на резервни делови, прибори и масла за возниот парк на општината. По склучувањето на договорот, наместо да се набават резервни делови по договорените ниски цени, биле набавени други стоки по значително повисоки цени. Со ова, според истрагата, општината била оштетена за 222.760 денари.
