Кривичниот суд, во текот на денов ќе одлучува за притворот на поранешниот Вицепремиер Артан Груби, и ексдиректорот на Државна лотарија Прпарим Бајрами, поради сомневања за проневера на 8,2 милиони евра во Државна лотарија.
Судот веќе им ги одзел пасошите на останатите четворица кои се дел од Комисијата на државна лотарија, а за кои Обвинителството има докази дека заедно со Вицепремиерот Груби и директорот Бајрами незаконски спровеле тендери за набавка на терминали за онлајн игри на среќа и со тоа го оштетил државниот буџет за 8, 2 милиони евра.
Обвинителството, отвори истрага за сомневањата за незаконските јавни набавки по кривичната пријава на МВР, со која се опфатени и поранешниот премиер Димитар Квачвски, како и ексгенералниот секретар на Владата, Методија Димовски.
Јавното обвинителство соопшти дека нема докази за екпремиерот и генералниот секретар на владата. Во меѓувреме, излегуваат информации дека Груби е во Косово и веќе ангажирал адвокат..
Тој бил подготвен да се врати во Македонија, доколку судот изрече поблага мерка од притворот, што го предложи Јавното обвинителство.
