Тип 1 телевизор без ДДВ 44 280 денари, тип 11 92 250 денари – вака се опишани купените половни телевизори од Ритрон копи на страницата на бирото за јавни набавки. Перпарим Бајрами и Артан Ајрули, склучиле 6 договори за набавка на телевизори и компјутерска опрема, меѓутоа подетална техничка спецификација во самите договори кои се јавно достапни не може да се забележи. На пример , стои дека се договориле за Десктоп графичка станица од 200 000 денари, за 40 десктоп компјутери по цена од 30 000 денари за компјутер, 40 монитори, но не пишува конкретно каква споецификација имаат апаратите што е невообичаено и отвора уште поголеми сомнежи како се правеле договорите за тоа што треба да се купи и и зошто баш по тие цени.
Само за илустрација, во еден маркет за бела техника може да се купи 4к самрт телевизор од 65 инчи за цена од 44 илјади денари. Најнискиот договор кој го склучила лотарија со Ритрон копи е од 34 илјади евра, а највисокиот речиси 120 илјади.. Вкупната вредност на договорите меѓу Ритрон Копи и Лотарија е 402 261 евра
Дека штетите на државниот буџет се огромни кажа и министерот за внатрешни работи Панче Тошковски. Тој најави дека истрагите за криминалот во Државна лотарија ќе продолжат
Разврската почна вчера откако финансиската полиција го уапси Артан Ајрули, сопственикот на Ритрон Копи. Според информациите во периодот од 2022 до 2024 се исплаќале лажни фактури подготвени од газдата на „Ритрон Копи“, Артан Ајрули. Бајрами си зел за право со народни пари да плаќа телевизори, принтери, комјутерска и комуникациска опрема, која, ниту – соодвестувала, со она што го пишувало во договорите, а ниту пак ја доставиле. Се договарале услови за набавки на телевозири, кои единствено „Ритрон Копи“ – ќе може да ги исполни
