Во организација на Здружението за одржлив развој и заштита на животната средина „Гоу грин“ – Скопјe, денеска ќе се одржи конференција за одржлив транспорт во Скопје и возење со автобус по рутата на БРТ и градскиот воз.
Како што информираат организаторите, конференцијата има цел да поттикне дијалог, соработка и размена на искуства меѓу сите чинители што работат кон создавање поквалитетен и поодржлив транспорт за сите граѓани.
Учесниците на конференцијата ќе имаат можност од прва рака да ги искусат разните форми на јавен и активен превоз преку организирано возење со автобус по трасата на БРТ, возење по Рута 2 од најавениот градски воз и велосипедска тура на скопската велосипедска инфраструктура.
