Вечерва во 19:00 часот, коњаницата од Илинденскиот марш ќе пристигне во центарот на Велес, , каде во чест на великаните од Илинден 1903, учесниците и домаќините ќе се поклонат и ќе положат цвеќе пред споменикот на „Коњаникот“ посветен на Велешките војвоци – Илинденци, информираат денеска од Општина Велес кои го организираат нивното пристигнување во Велес.
Од Општина Велес ги повикуваат сите граѓани вечерва да дојдат кај споменикот на „Коњаникот“ во центарот на Велес и да ја пречекаат Коњаницата од Илинденскиот марш.
Тие потсетуваат дека традиционалниот Илинденски марш на Коњаницата ќе заврши на 2 Август во Крушево, на прославата на најголемиот македонски национален празник – Илинден.
Организатор на Илинденскиот марш е Здружението на граѓани „Илинденски марш 1978 година” кој и оваа година го организира традиционалниот Илинденски коњанички марш од Скопје до Крушево,со поминување на повеќе населени места: градови и села каде е пречекувана од локалните власти и граѓаните.
