Министерот за здравство објави дека денеска се сретнал со тимот на Светската банка за проектот за администрација на социјалното осигурување СИАП (SIAP).
– Разговаравме за воспоставување конкретни модалитети за интероперабилна размена на податоци меѓу институциите во насока на формирање единствен регистар на социјално осигурување, дигитализацијата и поврзувањето на системите на Министерството за здравство и Министерството за социјална политика и забрзување на реформата за оценка на попреченоста – објави Клековски на својот фејсбук-профил.
Тој посочува дека реформата на оценка за попреченост е еден од врвните приоритети на Министерството за здравство и Министерството за социјална политика за да обезбеди соодветен пристап на постојната состојба.
– Му се заблагодарувам на тимот на Светската банка за подготвеноста и посветеноста во поддршката на реформите – напиша Клековски.
