Дел од звучните кабареа и ноќни клубови во Охрид и Струга познати по бројните концерти кои таму се одржуваа секое лето, ова сезона нема да работат.Се откажале од угостителската дејност бидејќи им било скапо спроведувањето на мерките согласно правилникот за заштита од пожари.Вонредните контроли покажале дека не го применувале доследно законот за заштита и спасување.Немале систем за автоматско откривање на пожари,вратите се отворале на погрешна страна, хидрантската мрежа не функционирала во целост.И ова се занемарливи проблеми во однос на тоа што инспекторите го утведиле, дека наместо со огноотпорни ѕидовите биле обложувани со лесно запаливи матерјали.
“И ние како институции не сме усогласени и ни се случуваат проблеми што ни се случија.Пример од аспект на животна средина при општина Охрид со цел да се намали бучавата на околните објекти ги тераат сопствениците да редат сунѓери да прават изолација.Од мој аспект тоа е недозволиво, затоа што сунѓерот гори секундарно брзо и сега јас сум доведен во ситуација тие го постелиле објектот со сунгер, јас сега ги терам уште еднаш да го постелат со огноотпорен матерјал кнауф.Затоа што согласно правилникот за мерките огноотпорноста на таванот мора да биде минимум 30 минути, а на ѕидовите 2 часа” –вели Сашо Тодороски-инспектор за заштита и спасување
Вакви сериозни пропусти се воочени во голем број угостителски објекти во државава.За оние кои сепак ќе одлучат да работат, се ситни рокот од 30 дена кој го имаат на располагање за да ги подготват сите плански документи и да ги спроведат сите мерки согласно правилникот за заштита од пожари.Со децении се прогледувало низ прсти при доделување на лиценците за работа.
“Некои објекти имаат, што се градени во квалитетни станбени објекти имаат таква квалитетна илозација,меѓутоа некои да не спомнувам имиња што се импровизирани, пренаменети од некои магацини во дискотеки, немаат таква изолација.Со регулаторната гилотина тоа се укина, едноставно му се даваа лиценци без никави проверки и се случи ова што се случи.Најитно е пак да се усогласат законите” – вели Сашо Тодороски-инспектор за заштита и спасување
На 6 угостителски објекти им се изречени парични глоби и се привремено затворени до исполнување на задолженијата.После спроведните контроли совеста проработи кај сите велат од Дирекцијата за заштита и спасување,увередни дека летово сите угостителски објекти кои ќе работат ќе ги исполнуваат сите противпожарни мерки и ќе бидат безбедни.
