Со автентичните звуци на мандолина, лажици и гитара изведени во рамки на кабарето ,,Концерт за лажици и гитара” под менторство на Раде Шербеџија и Ленка Удовички, а во продукцијата на хрватските театри Улисис и EXIT ќе биде отворена втората вечер на регионалниот театарски фестивал РУТА кој се одржува во Драмскиот театар во Скопје-од каде нагласија дека публиката ќе има можност да види претстави кои се карактеристични за Балканското поднебје.
,,Очигледно дека вечерва Скопската публика ќе има можност да види една добра претстава, којашто очигледно го погодила и местото, но и приказната, затоа што доколку во театарот немате приказна и пикантерија, тогаш театарот ќе ја изгуби својата смисла,, кажа директорот на Драмски Театар Александар Велјаноски
На сцената опстојуваме 24 години и имавме можност да соработуваме со светски познати актери како што се Анџелина Џоли и Раде Шербеџија, но и да се претставиме на театарски сцени низ целиот Балкан изјави Душко Љуштина директор на театарот Улисис
,,Заштитен знак на театарот Улисис е претставата ,,Кралот Лир” која до сега е изведена 99 пати, што значи дека идната година ќе биде нејзино 100-то изведување,, изјави директорот на Хрватскиот театар Љубиша Љуштина
Актерското дуо кое ја изведува претставата Марио Јовев и Никола Недиќ кажаа дека претставата опфаќала теми од секојдневниот живот вклучително теми од политиката, социјални проблеми и сатира.
,,Претствата е всушност мозаик на разни наши размислувања и пренесување на специфичен нацин на творење,, нагласи актерот Марио Јовев
,,Ова е претстава која не опишува нас двајцата, но истовремено дава увид во секојдневниот живот со сета сатира и сарказам,, изјави актерот Никола Недиќ
Во рамки на фестивалот публиката покрај хрватскиот театар, публиката ќе има можност да види претстави и од другите соседни земји.
Даниел Ѓорѓевски
