Државниот и јавниот долг остануваат стабилни и во рамки на проекциите. Навремено се сервисираат сите обврски, и новите и наследените.
Последните податоци на Министерството за финансии покажуваат дека јавниот долг изенсува 58.8% од БДП односно нешто над 10.7 милијарди евра, а државниот долг 51.7% од БДП односно нешто над 9.4 милијарди евра.
„Јавниот долг во вториот квартал од 2026 година изнесува 58,8% од БДП и бележи намалување од 0,1 процентен поен во однос на претходниот квартал годинава. Во апсолутен износ намалувањето е за 21 милион евра“, велат од Министерството за финансии.
И покрај сервисирањето на значителни обврски наследени од минатото, како што е Еврообврзницата во вкупен износ од 700 милиони евра издадена во 2020 година. Владата успева истовремено да ја зачува финансиската стабилност.
„Владата успева редовно да ги исполнува обврските, да ја одржи стабилноста на буџетот и паралелно да реализира проекти од значење за граѓаните“, велат од Министерството за финансии.
За Владата ваквите бројки се само показател дека јавните финансии се стабилизираат и дека државата се движи во вистинска насока. Но важно е вложувањето и во капитални инвестиции, модерна инфраструктура, здравство, образование и проекти кои треба да создаваат економски раст, нови работи места и повисок животен стандард.