Министерството за социјална политика, демографија и млади, во соработка со Германското друштво за меѓународна соработка (ГИЗ) и Регионалната канцеларија за младинска соработка (РИКО) објави повик за пријавување на второто издание на Национална младинска летна школа.
Повикот е наменет за млади од Македонија кои се на возраст од 15 до 29 години. Националната младинска летна школа ќе се одржи од 14 до 18 септември, 2026 година во Дојран.
Приближно 60 млади луѓе ќе имаат можност да се вклучат во младинската летна школа која што претставува платформа за зајакнување на младите како агенти за промени, кои преку интерактивни методи на работа ќе имаат можност да се запознаат и дружат со врсници од целата земја и да се стекнат со нови вештини поврзани со личен развој, интерперсонални односи и тимска работа.
Летната школа ќе се заснова на пристапот „Спорт за развој“, користејќи го спортот како педагошка алатка за промовирање на младинската едукација, вештини вработување и личен развој на учесниците. Работни јазици на летната школа се македонски и албански. Превозот, сместувањето и оброците за учесници се целосно покриени од организаторите.
Оваа активност е во согласност со Националната стратегија за млади 2023-2027, односно како дел од планираните активности на МСПДМ за 2026 година.
-Министерството за социјална политика, демографија и млади ги охрабрува сите заинтересирани млади луѓе на возраст од 15 – 29 години да се пријават за учество на летната младинска школа.
Линк до пријавата и повеќе информации: https://www.mtsp.gov.mk/mk-MK/odnosi-so-javnost/javni-oglasi/javen-povik-za-prijavuvanje-na-vtorata-nacionalna-mladinska-letna-skola .
