Министерката за образование и наука Весна Јаневска денеска ќе се обрати на настанот „УЧИ, ИГРАЈ, РАСТИ“, на кој ќе бидат претставени резултатите од проектот за рехабилитација на објекти за физичко образование и набавка на спортска опрема во основните и средните училишта, кофинансиран од Инвестициската рамка за Западен Балкан (WBIF) и Развојната банка на Советот на Европа (CEB).
Како што соопштија од МОН, настанот ќе се одржи во Основното училиште „Панајот Гиновски“ во Бутел, Скопје, едно од училиштата што било рехабилитирано во рамките на проектот.
