Израелски воздушни сили ја нападнаа јеменската престолнина – Сана, само неколку дена откако бунтовниците Хути истрелаа ракета кон Израел.
Според Министерството за здравство на Јемен, загинале најмалку двајца луѓе, а над 80 биле повредени.
Израелската армија соопшти дека погодила две електроцентрали, нарекувајќи ги „значајни електро-енергетски објекти за воени активности“.
Погоден бил и воен комплекс во кој е сместена претседателската палата. Хутите веќе 22 месеци со ракети и дронови го напаѓаат Израел и бродови во Црвеното Море, велат дека тоа го прават во знак на солидарност со Палестинците во војната во Газа.
