Струга ги менува старите и дотраени азбестни цефки со нови, ама низ низ никако да протече чиста вода. Безмалку еден месец од чешмите тече матна вода која е небезбедна и забранета заа пиење.
“Инспекторите од Државниот инспекторатот за животна средина биле на терен и истовремено е констатирано дека ЈП “Водовод” нема соодветна дозвола за користење.Дадени се насоките и барањето од страна на општината е поднесено, ќе се следат сите законски патишта за да стигнеме до целта” –вели министерот за животна средина Мухамед Хоџа
Покрај спроведувањето на правната процедура, прашавме дали ќе се превземат мерки и кога ќе почне санација на изворот Шум од кој со вода се снабдува цела Струга и струшко. Дали општина Струга има капацитет сама да се справи со уредување на водоснабдителниот систем кој е руниран, запоставен и недомаќински управуван повеќе од деценија.
” Значи не се работи за финасии, се работи за санирање односно за анализи од каде доаѓа загадувањето. Сега засега не ни требаат сретства за оваа работа. Нормално ако е потребно ако овие 3 дена е водата чиста, ако продолжи вака, мора да превземе мерки.Тие мерки ќе ги бараме и од Владата и од министерот да се реализираат” -вели менди Ќура –градоначалник на Струга
Струшкиот градоначалник уверува дека има план како да се справи сосанирањето на теренот и затворањето на ископите длабоки над 10 метри на површина од 5 до 10 илијади метри кубни, од кои се вршело експлоатација на тампон и камен повеќе од деценија.
