Злоупотребите од страна на трговците не се прават само со цените, туку манипулираат и со новогодишните пакетчиња за децата.
Инспектори од Агенцијата за храна и ветеринарство при вонредни контроли во маркети, магацини и продавници откриле дека во одредени пакетчиња има производи со поминат рок, како и со краток рок на траење до 12.2024. На трговците кои продавале вакви новогодишни пакетчиња им е наредено да ги повлечат од промет и да ги уништат, а заработиле и прекршочни пријави.
Агенцијата апелира доколку граѓаните забележат дека се продава небезбедна храна, може веднаш да пријават кај нив, од каде велат дека бројот на пријави за недекларирана храна и храна со изминат рок е двојно зголемен.
