Имотно-правни проблеми, семејни и бракоразводни проблеми, постапки за изрекување на мерки при вршење на семејно насилство се само дел од барањата на граѓаните за добивање на бесплатна правна помош.
Барањата се однесуваат најголем процент на примарната правна помош, која што ја обезбедуваат подрачните одделенија на Министерството за правда, правните клиники и здруженијата на граѓани, но исто така има и барања за секундарна правна помош.
Во државава се бележи постојан пораст на лицата кои користат бесплатна правна помош. Лани примарна правна помош користеле 5.071 лице, а секундарна помош, која што ја даваат адвокатите, 258 граѓани.
