Градежните и текстилните работници како во минско поле. На пеколни температури мора да работат, зошто од Владата во заминување нема препораки за портокалова фаза. Едни “висат” на скелиња на +40 степени, други работат во погоните без клима. Во главниот град, на повеќе градилишта се работи и во нај топлиот период од 11 до 17 часот. И додека газдите не се грижат за своите работници и како да е крај на светот па во најтоплото бараат од нив да работат на сонце Синдикатите алармираат до Министерството за здравство и Владата итно да донесат мерки за заштита од топлото време.
“Апелирам повторно, до надлежните дека веќе е време да објават портокалова фаза.И да дадат препораки кои ги даваат вообичаено, но да не се базираат само со препораки на приватниот сектор, а јавниот секотор да ни биде ослободен од работа.Реагиравме и затоа што не се уклучуваат клими во производствените погони, веќе се испратени неколку барања за инспекциски надзор од областа за безбедност и здравје при работа” вели Кристина Ампева – “Гласен текстилец”.
Од “Гласен текстилец” велат дека работниците се плашат да пријават, за да не добијат отказ. Од Инспекторатот пак тврдат дека се активни на терен. Велат правеле проверки, но и казнувале. Синдикатите бараат трудовите инспектори и покрај тоа што има промени на Владата, да си ја работат работата, за да не “трпат” работниците.
“Во вакви периоди инспкециските надзори не смеат да трпат поради реорганизација на министерствата, затоа ќе побарам да бидат максимално ажурни” рече Ампева.
Македонија повторно влегува во портокалова фаза со пеколни температури, а Министерството за здравство се уште нема дадено никакви препораки за заштита од топлото време на најранливите граѓани.
И докторите апелираат надлежните да не чекаат, и да не трчаат по жешка песок – итно да донесат мерки….бремените жени, и старите лица над 60 години да бидат ослободени од работа. И да не се работи на отворено од од 11 до 17 часот
Инаку, Македонија „ќе гори“ и следната недела, а со топлотен бран се бори и цела Европа.
