Охриѓани уште еднаш ја покажаа својата хуманост,над 500 ученици од сите средни училишта,професори и родители трчаа од срце и даруваа од срце за помош на настраданите во пожарот во Кочани. Најголемата трагедија која ја погоди Македонија остави неизбришливи траги кај цела една генерација, болка која секогаш ќе пече и ќе не потсетува на вистинските вредности во животот-велат учениците кои беа вклучени во организација на трката.
-“Треба повеќе да се фокусираме на здравиот живот,да помагаме, да сме хумани, да се сакаме и да сме едни за други секогаш тука.Оваа сплотеност што денес ја имаме тука со сите средношколци, со сите родители и наставници е еден знак за тоа дека треба сите да сме сплотени;- Нормално дека нас како млади не погоди трагедијата и затоа целиме да направиме нешто, со кое што ќе можеме да им помогнеме на погодените”-велат учениците
Долг период после несреќата беше многу тешко да се работи и да се допре до учениците,раскажуваат професорите.Свесни за ситуацијата која што се случи, за таа колективна трагедија,длабоко сочувствуваа и тие беа оние иницијатори кои што сакаа да им оддадат достоинствена почит на загинатите и поддршка на повредените.
“Самата трка која што има почеток и крај значи дека никогаш во животот не треба да се откажеме од целта која што ја имаме, како што нив сега таа им е цел да стигнат до самиот крај и да истрчаат што може повеќе така и во животот никогаш да не ја заборават целта на својот живот односно смислата на својот живот, а со тоа никогаш да не го заборават оние кои што трагично загинаа”-вели Перчо Божиноски –професор
“Учениците се носеа многу тешко, беа можам да кажам погодени многу од немилиот настан,но ево и со овој настан сакаме да им помогнеме. Учениците дадоа еден голем одзив,масовна е трката и мислам дека ќе се соберат доста сретства”-вели Ристе Јанкоски-директор на ЦСУ “Св. Кирили Методиј”
Ддолж патеката од 3 километри по која се трчаше беа поставени кутии за донирање. Собраните средства преку Црвениот крст ќе стигнат до сите семејства на кои во моментов им треба помош за брзо опоравување.
