Хамас соопшти дека ги предал телата на уште двајца израелски заложници, но наведува дека му е потребно време и специјализирана опрема за да ги извлече останатите починати од урнатините во Газа. Вооруженото крило на групата во соопштението вели дека е посветено на договорот и дека ги вратило сите тела на заложниците до кои успеало да стигне.
Американскиот претседател Доналд Трамп изјави дека израелските сили би можеле да продолжат со борбите во Газа, доколку Хамас не го почитува договорот. Ако се потврди дека двете тела вратени синоќа се заложници, тоа би значело дека 19 сè уште се водат како исчезнати во Газа. Хамас е должен да ги врати сите 28 мртви заложници како дел од првата фаза на мировниот план за Газа.
