Осуда и барање одговорност. Граѓаните се револтирани откако пратениците од мнозинството го притиснаа црвениот тастер и оневозможија да се продолжи важноста на пасошите. Решението им беше ставено на маса, но се одлучија да продолжат да го крадат сопствениот народ, се дел од реакциите на граѓаните.
Власта се правда дека се кршел меѓународен договор и затоа гласале против,но граѓаните ги прашуваат пратениците од СДСМ и ДУИ како се продолжи важноста на личните карти и возачките, а зошто тоа не може да се направи и за пасошите?
Техничкиот министер за внатрешни работи Панче Тошковски вели мора да има одговорност. Тој забележува дека Македонија е единствената земја заедно со Северна Кореја каде граѓаните се заробеници во сопствената држава. Според Тошковски проблем не прават земјите членки на ЕУ и од соседството, туку македонската власт сама бара тие да бидат неважечки и автоматски ги кочи своите граѓани.
“Ветото Македонците да бидат затворени во државно домашен притвор е дадено од СДСМ и ДУИ.Тоа има име и презиме.Дури и ЛДП собра храброст да достави предлог кој е коалициски партнер на СДСМ.Дури и тој предлог е разумен и ќе го реши проблемот за разлика од нивното немање памет во делот на решавање на проблемот на македонските граѓани и нивни соседи бидејќи за семејствата си извадиле пасоши.За наши луѓе за Македонци, Албанци, Турци, Власи, Срби, Роми кои имаат македонско државјанство.Што е виновен народот што 630.000 граѓани со активни пасоши не можат да излезат од државата” – вели техничкиот министер за внатрешни работи Панче Тошковски.
Со гласањето против предлог измените на законот за пасоши ДУИ и СДСМ оставија 650.000 Македонци во државен притвор, и уште стотина илјади заглавени во странство.
