Градоначалникот на Општина Виница, Митко Костадиновски, денеска му беше домаќин на градоначалникот на Општина Трајавна од Бугарија, Денчо Минев. Виница и Трајавна се збратимени општини, а средбата е остварена по повод манифестацијата, “82 години слободна Виница”.
Сопоред објавата на Костадиновски на неговиот фејсбук профил, со Минев разговарале за можностите за унапредување и продлабочување на соработката меѓу Виница и Трајавна. Биле разменети искуства и идеи, се разгледале можностите за реализација на идни заеднички проекти, особено во областа на културата, локалниот економски развој, екологијата и други области од заеднички интерес.
-Збратимувањето меѓу Виница и Трајавна е мост кој ги поврзува нашите граѓани и создава можности за нови пријателства, иницијативи и заеднички успеси. Верувам дека оваа посета ќе биде нов поттик за уште поинтензивна соработка и заедничко градење на подобри услови и можности за развој на двете локални заедници, смета градоначалникот на Општина Виница, Митко Костадиновски.
