Градоначалникот Орце Ѓорѓиевски денеска заедно со делегација од Општина Кисела Вода положи свежо цвеќе на гробот на Гоце Делчев во црквата Св. Спас во Скопје по повод 153-годишнината од неговото раѓање.
„Вечна ти слава, Гоце МАКЕДОНЕЦУ! Како пример на своето време, преку својата визија и храброст, Гоце Делчев ни го остави своето дело, својата визија и патоказот кон силна и обединета Македонија. Испречени пред неправдите, пред обидот за негирање на македонскиот бит, со гордост се поклонуваме пред нашиот и само наш, македонски херој! Борбата на Гоце продолжува. Опстанокот на вистината за Македонецот мора да остане жив.Тоа е наш завет, аманетот на оваа и сите следни генерации! Гоце е Македонија и за тоа нема никаков компромис! Да живее Република Македонија“, изјави Ѓорѓиевски.
