Гоце трајковски, еден од клучните сведоци во судењето за убиството на малата Вања и Панче Жежовски изчезна.
Тој на 15 ноември требаше да сведочи за неговата улога во потрагата на Вања, но не се појави во судница поради панични напади и висок крвен притисок, а сега е целосно недостапен за полицијата.
Информацијата ја споделија од обвинителството од каде велат дека Трајковски, освен што е сведок во судењето против Палчо, бил и осомничен за друго дело – палење на кафуле во Кисела Вода, на 13 ноември, а два дена потоа требаше да е во судница.
Се претпоставува дека е во бегство. Инаку, Трајковски е син на Кираца Трајковска, семејни пријатели на мајката на Вања, Зорица Ѓорчевска. Во деновите откако изчезнува девојчето, Кираца го испраќа Гоце заедно со таткото Александар да се вклучи во потрагата – обезбедувал видео снимки од објекти, разговарал со луѓе и слично. Според сведочењето на мајката, токму тој прв ја направил врската меѓу изчезнувањето на Вања и Панче.
