СДСМ денеска соопшти дека актуелниот претседател, Венко Филипче, е единствен кандидат за партиски лидер на редовните внатрепартиски избори, кои ќе се одржат на 16 март 2025 година. Изборна трка всушност и ќе нема, а Филипче во изборниот процес ќе влезе сам оти некој друг не доставил кандидатура до партиските органи.
Ова значи дека членството само формално ќе ја потврди одлуката на Филипче да се кандидира. На претходните внатрепартиски избори, Филипче имаше неколкумина противкандидати: поранешната министерка за одбрана и актуелна пратеничка, Славјанка Петровска; ексдиректорот на ТИРЗ, Јован Деспотовски; поранешниот заменик-министер за информатичко општество и администрација, Александар Бајдевски, како и Златко Ристовски, партиски активист од Битола.
