По повод одбележувањето на Меѓународниот ден на Бошњаците – 28 Септември, министерот за односи меѓу заедниците Агон Ферати имал средба со претставници на бошњачката заедница во државата.
Како што информира Министерството за односи меѓу заедниците, на средбата било истакнато значењето на придонесот на бошњачката заедница во нашето општество, како и потребата од продолжување на институционалната соработка во насока на адресирање на нивните прашања и потреби.
-Како министер се обврзав дека ќе бидам во служба на потребите на Бошњаците и дека заедно ќе работиме на создавање подобри можности за сите. Бошњаците, исто како и сите други граѓани, се важна алка на нашето општество, а нивниот придонес е значаен дел од нашиот општествен мозаик. Нашата заложба е секоја заедница да има простор, поддршка и еднакви можности за развој и напредок, истакна министерот Ферати, честитајќи им го Меѓународниот ден на Бошњаците.
