Нова кривична пријава за контроверзниот поранешен градоначалник на Кичево, Фатмир Дехари. Се товари дека во периодот од 2021 до 2025 година незаконски склучувал договори за вработување и им дозволувал на вработените да не одат на работа, а сепак да земаат плата и други надоместоци од општинскиот буџет. Иако им истекол законскиот рок, тој не им го прекинал работниот однос. Со ваквото постапување, Дехари го оштетил општинскиот буџет за 130 илјади евра.
Полицијата го сомничи за „злоупотреба на службена положба и овластување“. Освен за него, пријави се поднесени и против уште четири лица за „перење пари и други приноси од казниво дело“.
Претходно, полицијата откри дека Дехари незаконски вработувал и во пожарната во Кичево.
