Во Албанија со денови траат масовни протести против изградба на хотелски комплекс на заштитен дел од албанското крајбрежје, кој треба да го гради зетот на Доналд Трамп.
Протести, освен на изворната локација, секоја вечер има и во главниот град Тирана, каде се скандираат навредливи пораки кон премиерот Еди Рама. Но, тоа очигледно не го вознемирува Рама, кој уверува дека комплексот ќе се гради и покрај противењето на јавноста.
Додека демонстрантите продолжуваат да бараат итно откажување на проектот и укинување на контроверзните закони, Рама се чини сосема рамнодушен, дури и провокативен.
Рама на своите канали на социјалните мрежи сподели неколку „омилени“ транспаренти од протестите, а потоа и бизарно видео генерирано од вештачка интелигенција, на кое е прикажан во кожно мини-здолниште и градник, играјќи ја улогата на инфлуенсер кој известува од местото на протестот.
„Кој и да го направил ова, секоја чест за него“, напиша Рама во описот на видеото.
