Хаосот на Хирушките клиники не го загрижува организацискиот директор на Торакална. Алфа дознава дека тој и неколку соработници од Хирургија шетаат на службено патување на Азурен Брег.
Од Министерството за здравство не добивме одговор зошто во вакви алармантни ситуации, директори од најпогодените Клиники одат на службени патувања.Додека стотици пацинети се оставени на цедило.
За овие две недели, откако салите за операции не работат поради хаваријата со кислородните пумпи, се одложени повеќе од 700 операции од различен вид.
Ако се земе во предвид дека во 18-те хирушки сали на Клинички, дневно се прават по најмалку три оперативни зафати тоа се 54 операции дневно. Овој број помножен со 13 дена, покажува дека изгубени се 702 операции.
За жолчка, слепо црево, колк или протези на колено пациентите остануваат “на чекање” бидејќи во ГОБ 8-ми септември и Свети Наум Охридски се оперираат само итни случаи. Извори на Алфа, од двете установи, брифираат дека на Клиника се оперираат повторно селективни случаи, додека сите итни се препраќаат во двата хирушки центри.
Од 8-ми септември велат дека дополнителен проблем е тоа што при крај се и со материјали.Кои се неопходни за хирушки зафат.
И додека вработените на хирушките клиники немаат поим кога ќе почнат со интервенции, најпогодени се пациентите кои со месеци чекале да се најдат на листата.
Од докторите, единствен загрижен е директорот на хирушката болница Св Наум Охридски. Тој пред два дена алармираше дека ни се заканува сериозен колапс на системот ако хирушките сали не почнат да функционираат.
Досега, ниту еден од директорките на хирушките клиники не изустија збор во јавноста да им дадат поддршка на пацинетите, но и да побараат од здравствените власти што поскоро да се реши проблемот.
13 ден не работат операционите сали и сите ги чекаат анализите од Германија кои трерба да покажат од каде е смрдеата во хируршкиот блок.
