Здружението на радиолошки технолози на Македонија го организира 12-тиот Конгрес на Здружението кој ќе се одржи од денеска до 20 септември 2026 година во Струга.
Настанот обединува радиолошки технолози, реномирани професори, доктори и медицински физичари од Македонија и странство, кои ќе презентираат најнови достигнувања во областа на дијагностичката радиологија, радиотерапијата, нуклеарната медицина, интервентната радиологија како и радијационата заштита.
-Конгресот претставува единствена можност за размена на стручни знаења и искуства, научни и стручни предавања, презентација на современи технологии и иновации и професионално вмрежување и соработка, велат организаторите на конгресот.
