План за вработување на младите лица, мерки за зауздување на инфлацијата и ценовните шокови, нови инвестиции во ТИРЗ зоните, поддршка за компаниите, зајакната регулатива и засилени инспекциски контроли – министерот Бесар Дурмиши го презентираше сработеното изминатата година откако го презеде ресорот економија.
Клучен проект е оперативниот план за вработување кој е стратешка алатка за борба со невработеноста за кој е обезбеден буџет од речиси 40 милиони евра. Досега биле поднесени 6026 апликации, а е насочен за 16 илјади граѓани до 29 години. Министерот најави дека во тек се и четири нови инвестиции во ТИРЗ зоната во Тетово
-За сите се водат постапки пред институциите пред да пчнат да е градат. Само една од нив ќе вработи до 600 луѓе, втората до 250 и така натаму. Но, ќе нформираме кога постапките за почеток а градба ќе бидат завршени – рече Дурмиши.
За изминатата година власт предизвик за министерството беше справувањето со цените на храната. Беа воведени мерки за ограничување на цени и маржи кои според Дурмиши ги дале посакуваните резултати . Во моментов на сила е законската обврска трговците да ги објавуваат на дневно ниво цените на производите, што на долг рок треба да ја поттикне конкурентноста на пазарот и да ги намали цените. Министерот најави дека во иднина ќе се фокусира на стимул на домашното производство, а се планираат мерки кои ќе ги заштитат граѓаните на долг рок . Не е исклучена можноста повторно да има замрзнување на цени и маржи доколку извештајот од ДПИ кој ќе биде доставен после 30 јуни покаже дека маркетите енормно ги покачиле цените.
-Се разботи на тоа да ги подржиме нашите земјоделски производители и производителите на основните прехранбени производи, бидејќи досега немавме такви мерки. Ако ги импламентираме овие мерки ќе се намалат цените на земјоделски прехранбени производи, бидејќи истите ќе се произведуваат дома. Ние сме увозно зависна држава и речиси 80 отсто од производите ги увезуваме. Имаме капацитет и имамем можности и поради тоа треба да го поддржиме домашното производство. Во таа насока во наредниот период во маркетите ќе биде обележано кои производи се домашни, а кои увозни со цел граѓаните да купуваат домашни производи, рече Дурмиши.
Во меѓувреме владата ја скрои новата потрошувачка кошничка. Она што засега е познато дека е одлучено сепак пресметката да биде на четиричлено, а не на тричлено семејство како што претходно се најавуваше. Податоци ќе се земаат од релевантни институции, а и од неколку маркети не само од едно место со цел да се добијат што поверодостојни и пореални податоци. Новата пресметка ќе се објави веднаш по прватата седница на економско социјалниот совет кој многу скоро ќе се формира
