ДУИ има намера со илјадници амандмани да го спречи носењето на ново законско решение за средно образование само поради тоа што со него се предвидува интонирање на македонската химна на почетокот и крајот на учебната година, за време на патроните празници и при други учлишни прослави.
Корадинаторот на пратеничката група на т.н. Европски фронт, Беџети вели дека немаат други забелешки за законот освен оваа одредба и дека амандамните во моментот се подготвуваат.
Според нив власта со законот наметнувала моноетнички решенија и го нарушувала духот на меѓуетничкиот соживот. Од седницата за опозициски прашања во Собранието ги обвинија пратениците од ВРЕДИ прашувајќи ги зошто молчеле за ваквото законско решение, кое веќе помина неколку собраниски филтри.
