4 милиони евра за регионалниот oбразовен центар во Тетово кој е во завршна фаза и ќе овозможи 700 ученици да учат во современи услови, како и изградба на нови и доградба на веќе постоечки регионални центри и училишта за целодневна и едносменска настава низ целата држава. Министерката Весна Јаневска 2025-та ја најави како година на градежна експанзија во сферата на образованието за што веќе е потпишан договор со Светска банка.
“Во 2025 година ќе почнеме со големи капитални објекти за што ќе бидат потребни многу пари за што министерството за образование, владата и Светска банка имаат договор. Секако ова е еден од седумте предвидени регионални центри, пет се работи и се во фаза на реконструкција, доизградување, се што е потребно да за да се регионални центри. Околу 400 ученици од 3 и 4 година од вкупно 700, а очекуваме да се проширува и надмине 1200 ученици” изјави Јаневска
Државниот просветен инспекторат постапи во врска со случајот од училиштето во Челопек и донесено е решение за дисциплинска постапка притив наставничката која ја организираше прославата за денот на албанското знаме, за време на која ученици беа облекувани во униформи на УЧК и држеа пластични пушки во рацете. Додека за случајот од Струшкото село Подгорци каде советот на основното училиште го спореше назначувањето на директорот, од страна на министерството, Јаневска беше децидна и нагласи дека не постојат прекршувања на законот. Заклучокот, пак, на советот од училиштето не е во согласност со правилниците на Државниот просветен инспекторат.
“Државниот просветен инспекторат постапи и издаден е заклучок односно решение. Директорот треба да преземе дисциплинска постапка против наставничката. Имено, и на градоначалникот му е дадена препорака да го санкционира директорот. Во Подгорци директорот е поставен по закон, јас сум го поставила и тука нема ништо спорно и може да се провери” изјави Јаневска.
Инаку, министерството за образование и ОБСЕ од Јануари ќе спроведат програма со која ќе се реализираат обуки за просветниот кадар, во насока на подобрување на мултиеничкиот соживот во училиштата.
Даниел Ѓорѓевски
