Театар за јавноста или борба за работниците? Ова прашање се наметна откако претседателот на ССМ, Слободан Трендафилов, објави фотографија на социјалните мрежи на која седи сам во сала за состаноци, а до која напиша дека никој од власта не дошол кај нив на договорена средба.
Во 9 часот во Сојузот на синдикатите на Македонија го чекавме претставникот на Владата да дојде и да потпишеме спогодба за утврдување на висината на минималната плата“, напиша Слободан Трендафилов на социјалните мрежи.
По ова Владата стигна, како што соопштија, остра реакција на обидите за создавање лажна слика за социјалниот дијалог.
„Не знаеме кого Трендафилов чекал, сместувајќи се во празна сала, но едно е кристално јасно, социјалниот дијалог за нас е сериозна и одговорна државна политика, а не средство за политички театар и парадерство пред камери“, се наведува, меѓу другото, во соопштението од Владата.
Оттаму додаваат и дека за четврток попладне е закажана средба на претседателот на Владата со претставници на Синдикатот на УПОЗ на која ќе се разговара за сите прашања.
„Ова е конкретен доказ дека Владата не бега од дијалог, туку инсистира истиот да биде сериозен, суштински и насочен кон резултати… Владата останува цврсто посветена на конструктивен социјален дијалог, но нема да дозволи истиот да биде злоупотребуван за дневнополитички калкулации“, се наведува, меѓу другото, во соопштението од Владата.
Во меѓувреме Сојузот на синдикати останува и на другите барања – минималец од 600 евра и линеарен раст на сите останати плати од по 100 евра.
„Утре претседателството ќе заседава и ќе ги договриме следните чекори“, вели Слободан Трендафилов од ССМ.
Од Владата во повеќе наврати кажаа дека за нив е прифатливо се што ќе договорат синдикатите и работовачите преку дијалог во рамки на економско – социјалниот совет.
Минималната плата, секако согласно закон ќе се покачи во април, кога мартовската плата ќе биде исплатена за износ повисок од сегашниот за околу 1700 денари. Таа законски се рпесметува со формулата 50% од трошоци на живот и 50% од просечна плата. Истата не смее да биде подф 57% од просечоно исплатената плата.
