Во Општинската изборна комисија (ОИК) Штип поднесени се 152 барање за гласање во домашни услови, по истекот на рокот синоќа на полноќ.
Претседателот на ОИК-Штип, Виктор Вацев изјави дека членовите на ОИК денеска ќе одлучуваат кои од нив ќе добијат можност да гласаат ден пред изборите, а ќе им помага лекар-специјалист од Клиничката болница.
-Значи рокот за пријавување беше до синоќа до 24:00 на полноќ заврши. Во моментот се пристигнати 152 барање за гласање за болни и неможни лица, односно оние лица кои што го остваруваат своето право на глас во домашни услови, ден пред изборите. ОИК денеска има закажано исто седница, каде што имаме повикано и доктор, специјалист од Клиничка болница- Штип, каде што заедно ќе ги разгледуваме барањата и истие дали ќе бидат одобрени или одбиени. Дали се во согласност со правилникот на Државната изборна комисија, рече тој.
Најави дека во текот на следната седмица се очекува да пристигне и останиот дел од материјалите за избори, а најдоцна до среда истите треба да пристигнат.
-Другиот материјал за избори се очекува да биде пристигне согласно роковникот на ДИК, најдоцна 72 часа пред одржувањето на изборите. Очекуваме да пристигне во текот на наредната недела, некаде вторник или среда, вели Вацев.
Одлуката за секое од 152-те барања ќе се носи поединечно, врз основа на приложената документација. Лекар-специјалист од Клиничката болница во Штип ќе помогне во проценката на здравствената состојба на пријавените. Целта е да се обезбеди фер и законско спроведување на гласањето во домашни услови. Правото на глас им припаѓа на сите, без разлика на здравствената состојба.
