„Длабоко разочарувачка одлука“: Ахмети за пресудата против Тачи и поранешните лидери на ОВК

Лидерот на ДУИ, Али Ахмети, ја оцени како „неправедна и длабоко разочарувачка“ денешната пресуда за поранешните лидери на ОВК. Ахмети повика на разумност и единство, нагласувајќи дека пресудата не смее да биде причина за тензии и поделби. Според него, борбата на ОВК била борба за слобода на Косово, а судскиот процес не е завршен бидејќи одбраната има право да продолжи со правната битка пред Апелациониот суд. Ахмети во саботата беше дел од маршот во Косово, на кој беше изразена поддршка за поранешните лидери на ОВК, кои денеска беа осудени за воени злосторства во Хаг.