Со доаѓање на првите 180 германски туристи во Македонија туризмолозите ги поздравија заложбите на владата за промовирање на земјава во европски и светски рамки. Влегувањето на германскиот туроператор “Ер-ес-де ” на македонскиот пазар кај нас ќе престојуваат 35.000 туристи од Германија,Франција и Англија и тоа во период надвор од туристичката сезона, кога Охрид како и останатите центри е буквално мртов град.
“Тоа ќе биде една дирекна инекција за економијата,ние мора да сфатиме дека што повеќе се продолжува сезоната во Охрид, услугите ќе се користат а со тоа расте и буџетот, тоа е многу важно и за целокупната економија на Македонија.Охирд е еден споменик, град музеј со неограничени потенцијали и сето тоа ќе биде во една добра кохезија да се поврзе понатака за успешна туристичка приказна”-вели Михајло Филев-туристички менаџер
Ќе се остварат над 100.000 ноќевања и значи и тиа како придвижвање на туристичкиот сектор. Ова е одличен потег, на Охрид му треба продолжување на сезоната бидејќи има сезонски карактер,велат експертите.
“Вакви аранжмани надвор од главната сезона одлично ќе дојдат за равојот на туризмот во Охрид, тоа е она што се бара за да може хотелите , сместувачките објекти да функционираат на некој попредвидлив начин односнои да можат да ги планираат своите приходи и расходи”-вели Цветко Андреески,универзитетски професор
“Ќе се обидеме да направиме се надобро, да направиме еден добар продукт за нив и да очекуваме дека ќе имаме и потрошувачка вон пансионските услуги како би се надоместиле тие ниски цени кои ги имаме добиено за ноќевањата”-вели Крсте Блажески –Претседател на Хотам
Според анализите кои ги правеше туристичкиот факултет во Охрид, во шпицот на сезоната која трае 50 дена,градот дневно бележи околу30.000 туристи, што значи дека секој ден што ќе го поминат тие туристи во Охрид ќе значи за еден ден продолжување на сезоната .Инаку странците во просек дневно трошат околу 140 евра.Но на балканските тури на кои ќе одат французите, германците и англичаните се очекува да трошат од 30 до 50 милиони евра во Скопје и Охрид, со што за 10 до 15% ќе се зголеми сегашниот број на туристи посебно во нашата туристичка мека.Во топ сезоната капацитетите бележат 79 % усполнетост, која брзо паѓа на 20 % при крај на летото, останатите месеци се мртов период.
