Градоначалникот на општина Куманово, Максим Димитриевски и претседателот на Кошаркарската федерација на Македонија, Томе Главчев, потпишаа Меморандум за соработка со кој се зајакнува го партнерството меѓу Општина Куманово и КФМ.
-Нашата заедничка определба е јасна да создаваме подобри услови за развој и унапредување на кошарката, спортот и спортските вредности, како и да го афирмираме Куманово како град со богата спортска традиција и потенцијал за организација на големи спортски настани – информираше Димитриевски.
Во рамките на договорената соработка, двајцата се согласуваат Суперкупот на Македонија во машка и женска сениорска конкуренција да се одржи во Куманово на 26 или 27 септември 2026 година. Куманово ќе биде домаќин и на завршните натпревари од Купот на Македонија во 2027 и 2028 година, во машка и женска сениорска конкуренција.
-Ова е уште една потврда дека Куманово има капацитет, инфраструктура и потенцијал да биде домаќин на натпревари и спортски манифестации од највисок ранг. Како локална самоуправа, продолжуваме со континуирани инвестиции во реконструкција, модернизација и унапредување на спортските капацитети, создавајќи подобри услови за нашите спортисти, клубови и граѓани, но и можности Куманово да биде домаќин на значајни домашни и меѓународни натпревари – информираше Димитриевски.
По потпишувањето на Меморандумот, Димитриевски и Главчев ја посетија спортската сала во Куманово, каде што ќе се одржуваат натпреварите и ги разгледа условите и капацитетите за организација на првенствата.
