Камп за едукација на деца и млади кои имаат дијабетес тип 1, (Диа Камп) се реализира во одморалиштето во кавадаречко Михајлово. Настанот е во организација на Сојуз на здруженија на дијабетичари на Македонија.
Советничката во Совет на Општина Кавадарци, Емилија Василева – Иваноска ја поздрави оваа иницијатива што има за цел да ги обедини децата и младите кои имаат дијабетес тип еден, преку интензивна едукација, како би си го олесниле менаџирањето на состојбата.
– Многу е важно дали на проблемот ќе му пристапиме со фобија, или, народски кажано, дали ќе го ставиме под тепих и ќе импровизираме дека не постои. Или, ќе му пристапиме со храброст и ќе почнеме да го решаваме – подвлече Василева Иваноска, која е претседател на општинската комисија за здравство.
Пред присутните се обрати и Димче Велев, претседател на Сојузот.
