По повод 8 Септември Денот на независноста и 35-годишнината од нејзиното прогласување, градоначалниците на Дебар, Маврово и Ростуше и Центар Жупа, и Сојузот на Македонците со исламска религија (СМИР), упатија честитки до сите граѓани на нашата држава.
„8 Септември е ден кој ја симболизира слободата, независноста и стремежот кон подобра иднина. Да продолжиме заеднички да градиме демократско, развиено и европско општество, со еднакви можности за сите. Честитаат 8 Септември – Денот на независноста, стои во честитката на дебарскиот градоначалник, Фисник Меља.
Од свое и од име на општинската администрација, честитки по повод 8-ми септември упати градоначалникот на Општина Маврово и Ростуше, Онер Јакупоски.
-Овој историски ден е потсетник за визијата и заедничкиот стремеж за слободна, суверена и просперитетна држава. Во изминатите три и пол децении, нашата заедница беше и останува силен пример за единство, меѓусебно почитување и богата традиција на соживот која гордо ја негуваме во нашиот регион. Со одговорна работа, посветеност и вложување во секое населено место, продолжуваме заедно да градиме подобра иднина за сите наши граѓани и идни генерации. Нека ни е честит 8 Септември — Денот на независноста на Република Македонија, наведува Јакупоски во честитката
Честитка по повод денешниот празник до сите македонски граѓани упати и Аријан Ибраим, градоначалник на Општина Центар Жупа, како и Латиф Пајкоски, претседател на СМИР.
