Стариот владин лирџет 60 требало да се приземји уште пред 7 години и да се набави нов модерен од марката „Фалкон“ и „Галфстрим“. Речиси пред една деценија вака проценил поранешниот директор на Агенцијата за цивилно воздухопловство и пратеник од СДСМ, Томислав Тунтев. Во време кога не му се мереле летовите на Зоран Заев со владиниот лирџет, тогаш не било проблематично да се разговара како да се потрошат 20 милиони евра од државната каса, па ако треба да се земе и на лизинг. Тунтевски во интервју за Независен во 2019 –та тврди дека поради безбедносни причини потребна е итна набавка на нов владин авион, не со седум туку со 15 седечки места.
Еднаш премиерот ми прати порака дека се расипал генераторот. Јас му одговорив, „не секирај се премиере, има уште еден“. Но, ако се чести откажувањата на генераторот, независно од редовните прегледи, тогаш треба да се запрашаме зошто е тоа така. Тоа се генератори со технологија од раните 80-ти, а сега сме длабоко навлезени во 21 век. Такви генератори не постојат, сега се алтернатори и немате ни резервен дел, не се произведуваат, вели во 2019 Томислав Тунтев, тогашен директор на Агенцијата за цивилно воздухопловство.
Државниот авион често се расипувал пред неколку години. Сега после седум години повторно има чести проблеми и не може да лета. Шефицата на државата Гордана Силјановска-Давкова на 4 декември во 2024 та не отиде за Париз каде што светските лидери се собраа на отворање на реновираната Нотр Дам, зошто ден претходно авионот се расипа.
Со него патувал претседателот на Собранието Африм Гаши во Стокхолм, Шведска. За време на подготовката на авионот за лет кон Скопје и редовните активности и проверки на аеродромот во Стокхолм утврдена е неисправност на едниот од двата инструменти кои покажуваат температура на издувните гасови од моторите. Токму затоа, Гаши се снаоѓал да се врати со комерцијален лет.
Досега се покажа дека владиниот лирџет често има дефекти. Произведен е во 2004 во Вичита, Канзас, во фабриката на Бомбардиер аероспејс и и е во сообраќај од јануари 2005 година. Kупен e во време на Владата на Владимир Бучковски.
Инаку, за него веќе не се произведуваат делови односно, за поправки се користат репарирани делови. Од 2017 до сега сме потрошиле околу 3,5 милиони евра за поправки. Освен тоа што е стар му се ставаат стари делови и не е безбеден, има само седум места, па често не ја собира целата делегација. Се трошат пари за за карти со комерцијални летови.
Тунтевски препорачал овој лирџет да се продаде или пренамени зошто според него најскап авион е авион на земја.