Ромскиот културен и медиа центар „Бариканипе“ организира јавен настан „Низ призмата на ромскиот културен калеидоскоп“, што ќе се одржи вечер со почеток во 18 часот во Домот на културата „Кочо Рацин“ – Скопје.
На настанот којшто е дел од проектот „RomaVision-Култура во акција“ ќе бидат презентирани резултатите од проектот и младинскиот креативен камп, како и авторските видеа создадени од младите учесници во рамки на проектот преку кои тие ги изразуваат своите идеи, ставови и креативни погледи кон ромската култура.
Централен дел од програмата ќе биде панел-дебатата „Нови гласови, нова културна визија“, посветена на положбата и присуството на младите Роми во културата и уметноста.
„RomaVision – Култура во акција“ е активност поддржана во рамки на проектот „Култура за развој“ на Владата на Швајцарија, којшто се имплементира од Хартефакт Фонд.
