Швајцарскиот град Давос по 56 пат е домаќин на најголемиот економски форум, кој оваа годинава го носи насловот „духот на дијалогот“.
Во изјава за „ЦНБЦ“, претседателот и извршниот директор на економскиот форум, Берге Бренде вели:
„Работиме во најсложената геополитичка околина од 1945 година наваму. Соработката е како вода. Ако види дека е блокирана, ќе најде други патишта, бидејќи соработка е потреба, а не луксуз“.
Тој смета дека треба да се развијат нови форми на соработка кои што може да обезбедат функционални решенија.
Според Берге, Гео-економскиот конфликт, кој не е класична војна, но спаѓа во сегментот на специјалните војни, е прогласена привремено за најголем ризик, дури и многу поголем од климатските ризици
Бренде во интервјуто за американската телевизија, најави дека во Давос се враќа и кинескиот претседател Си Џи Пинг, а покрај него во вторник ќе пристигне и Емануел Макрон, претседателот на Франција, Урсула Фон Дер Лајен, Претседателката на ЕК, Премиерот на Канада, а денес веќе во Швајцарија треба да е Фридих Мерц, германскиот канцелар. .
Американскиот претседател Доналнд Трамп е најмаркантната личност која ќе се појави на економскиот форум, со што сигурно ќе го сврти меѓународното внимание. Прва тема на формуот би требало да биде „Гренлданд“, данската покраина која Доналд Трамп сака да ја припои кон САД или во најмала рака да има целосна контрола врз истата.
Во рамките на овој блок дискусии, се очекуваат разговори за трговските тензии помеѓу САД и Кина, како и за новите модели на глобална трговија кои сè повеќе се селективни отколку базирани на старите правила на Светската трговска организација.
Впрочем и заканата на Трамп за воведување санкции кон државите кои ја поддржуваат Данска го дава патоказот на тензиите кои ќе бидат присутни на форумот.
Во контекст на форумот, ова прашање може да послужи како пример за т.н. „гео-економска конфронтација“, каде економските алатки се применуваат за остварување геополитички цели, еден од најнагласените ризици во анализите на форумот.
Органите на ЕУ и европските лидери оценуваат дека заканите со нови царини кон Велика Британија, Данска, Франција, Германија и уште неколку европски земји кои застанаа зад Данска, околу Гренланд ја покажуваат американската стратегија да користи економски притисок за геополитички цели, дури и кога тоа ја ризикува стабилноста на трансатлантските односи и може да доведе до ослабување на НАТО алијансата како главна политичко безбедносна структура.
„Европа се поместува од проект за мир кон проект за војна, бидејќи безбедноста и одбраната стануваат централни за интеграцијата“, изјави Марк Леонард – Директор на европски совет за надворешна политика.
„Сега, кога најмногу ни требаат мигрантите и младите таленти, ние ги отежнуваме политиките за имиграција, што ги отежнува економските перспективи на развиените земји“, изјави Др Рејчел Гленестер, центарот за глобален развој.
Покрај геоплитичките тензии, на самитот ќе стане збор и за вештачката интелегенција и дигитализацијата на пазарите на труд, потоа економскиот раст и инвестициите во луѓето, а на крај би станало збор и за климата и одржливот развој.