Претседателката на Комисијата за социјална политика, демографија и млади, Илире Даути, на која минатата недела ѝ беше изгласана недоверба, денеска си поднесе оставка од функцијата во собраниската комисија.
Ваквиот чекор доаѓа по бројни партиски препукувања, но и апели дека оставката е неминовна по изгласаната интерпелација. Но и чинот на оставка не помина без политичка драма во ДУИ.
Даути инсистираше да ја образложи оставката, но откако ѝ беше укажано дека тоа не е дозволено со Деловникот, таа одбиваше да ја напушти говорницата и влезе во вербален конфликт со собранискиот спикер, Африм Гаши.
