Случајот со мајмунски сипаници во соседно Косово не претставува закана за Македонија – уверува инфектологот Фадил Цана.Тој смирува и не ја оправдува паниката кај граѓаните од ширење на заразата, затоа што случајот со заболениот пациент во Приштина е изолиран, станува збор за човек кој работел подолго време во странство и се претпоставува дека се заразил во друга земја. Цана потсетува дека кај нас досега нема регистрирано случај на мајмунски сипаници, а доколку се појави, вели дека земјава има стручњаци добро запознати со болеста.
Според директорот на Инфективна, во моментов загрижува податокот што недостасува голем број на пресонал во оваа клиника. Повеќе од 100 вработувања и тоа на лекари, медицински сестри, болничари,транспортери и административен персонал се потребни за оваа здравствена установа.
Прашање е што ќе се случи доколку има некоја нова пандемиска закана? Цана вели дека инфектолози нема доволно на ниво на држава бидејќи младите доктори не сакаат специјализација за заразни болести
И додека се алармира за итна потреба од вработувања во одредени клиники и болници, надлежните најавија дека јавното здравство најдоцна до март ќе се зајакне со 1200 нови здравствени работници. Од Влада велат дека филтерот за вработувањата е поминат, сега се е во рацете на директорите на јавните установи, да направат реорганизација колку и каков персонал им е најпотребен.
