За неполн месец треба да заврши целосната реконструкција на одделот за физикална медицина и рехабилитација, при кочанската Општа болница. Нацрт планот е изготвен и градежните активности започнуваат од денеска. Освен целосна реконструкција на салата за физикална терапија, ќе се реконструираат и тоалетите на одделенијата за хирургија, гинекологија и неврологија.
„Ќе се реновира нова просторија за ласер трапија, електро терапија, магнетна терпија. Планирани се исто така и нови апарати коишто ќе бидат мултифункционални за да се обавува комплетната терапија на еден пациент . Ќе има добар пристап, а ќе се реконструират и тоалетите„ изјави д-р Катерина Мирчовска, дир. на Општа болница, Кочани.
Дека има потреба од реконструкција на одделот за физикална терапија посочуват и повредените во трагичниот пожар во дискотеката „Пулс“. Велат кадар има, но за нив треба масимална поддршка и услови за работа.
„Има кадар кои сака да работи и сака да помогне, само условите да се подобрати организационо да се подобри , структурата на функционирање. Знаеме дека нема кадар и имат оигромен терерт тие што работат со нас , затоа им е потребна голема поддршка за да може да функционират како што треба„ изјави пациентот Александар Авукотов.
Во моментот на одделот за физикална трапија во Кочани, се рехабилитираат 45 пациенти. Со започнување на градежните активности, најголем дел од нив се водат во прва група и ќе бидат сместени во одмаралиштето на Пониква.
„Предвидено е да се уклучи работна терапија и различни типови на вежби за зајакнување на целокупната мускулатура, не само онаа што е погодена од изгореници, бидејќи голем дел од нив поминале долго време во болница на иста позиција и треба да се зајакнат комплетно„ изјави д-р Мирчовска
Засега сите пациенти кои се рехабилитираат во Штип и Кочани, се во добра здравствена состојба.